RSS

Category Archives: ಕಸ್ತೂರಿ ಶಂಕರ್

ಎಲ್ಲೋ ದೂರದಿ ಜಿನುಗುವ ಹನಿಗಳೆ / ello dooradi jinuguva hanigale

click to play audio

ಎಲ್ಲೋ ದೂರದಿ ಜಿನುಗುವ ಹನಿಗಳೆ
ಬನ್ನಿ ಬನ್ನಿ ಬಿರುಮಳೆಯಾಗಿ
ತುಂಬಲಿ ತುಳುಕಲಿ ಬತ್ತಿದ ಹೊಳೆ ಕೆರೆ
ಹೊಸ ಹಸುರೇಳಲಿ ನವುರಾಗಿ || ಎಲ್ಲೋ ||

ಎಲ್ಲೋ ದೂರದಿ ಜಿನುಗುವ ದನಿಗಳೆ
ಬನ್ನಿ ಬನ್ನಿ ರಸಗೀತೆಗಳಾಗಿ
ಮೌನದಿ ಮಲಗಿದ ವಾದ್ಯವೃಂದಗಳ
ಮೇಲಾಡಿರಿ ಚೆಲು ಬೆರಳಾಗಿ || ಎಲ್ಲೋ ||

ಎಲ್ಲೋ ದೂರದಿ ಮಿನುಗುವ ಕಿಡಿಗಳೆ
ಬನ್ನಿ ಬನ್ನಿ ಹೊಂಗಿರಣಗಳಾಗಿ
ಹಣತೆ ಹಣತೆಗಳ ತುಟಿಯೊಳು ಕುಡಿನಗೆ
ಮಿಂಚಿಸಿ ಒಳ ಹೊರಗನು ಬೆಳಗಿ || ಎಲ್ಲೋ ||

ಎಲ್ಲೋ ದೂರದಿ ಚಿಕ್ಕೆಗೆಜ್ಜೆಗಳ
ಕಟ್ಟಿ ನರ್ತಿಸುವ ಹೆಜ್ಜೆಗಳೇ
ಬನ್ನಿ ನನ್ನೆಡೆಗೆ ಲಾಸ್ಯವನಾಡಿರಿ
ಚಿಮ್ಮಲಿ ನಲವಿನ ಬುಗ್ಗೆಗಳೇ || ಎಲ್ಲೋ ||

ಸಾಹಿತ್ಯ –  ಜಿ. ಎಸ್. ಶಿವರುದ್ರಪ್ಪ
ಸಂಗೀತ –  ಎಸ್ ಸೋಮಸುಂದರಂ
ಗಾಯನ – ಕಸ್ತೂರಿ ಶಂಕರ್
 
download ello dooradi jinuguva hanigale
 
Advertisements
 

ಟ್ಯಾಗ್ ಗಳು: , , , , , , ,

ಬೇಸರಿನ ಸಂಜೆಯಿದು \ besarina sanjeyidu

click to play

ಬೇಸರಿನ ಸಂಜೆಯಿದು ಬೇಕೆನಗೆ ನಿನ್ನ ಜತೆ

ಎಲ್ಲಿ ಹೋದೆಯೋ ಇನಿಯ ಬಾ ಬೇಗನೇ (2) || ಬೇಸರಿನ||

ಮಬ್ಬು ಕವಿದಿದೆ ನಭಕೆ ಮಂಕು ಕವಿದಿದೆ ಮನಕೆ (2)

ವಿರಹವಿದೆ ಕರೆಯುತಿದೆ ಬಾ ಬೇಗನೇ ಬಾ ಬೇಗನೆ || ಬೇಸರಿನ ||

 

ಮುಳುಗಿದುದು ರವಿ ಓಕುಳಿಯ ಚೆಲ್ಲಿದುದು ಸಂಧ್ಯೆ

ಮತ್ತೆಯೊಯ್ಯನೆ ಬೂದಿಯಾಯ್ತು ಕಾಂತಿ (2)

ಕತ್ತಲೆಯ ಕರಿನೆಳಲೊಳನೆ ಮೂಡಿದುವು ತಾರೆ (2)

ಹಬ್ಬಿಹುದು ಮರುಭೂಮಿಯಂತೆ ಶಾಂತಿ (2) || ಬೇಸರಿನ ||

 

ಮನೆಯ ಬಾಗಿಲೊಳೊಬ್ಬಳೆಯೆ ಕುಳಿತು ಹೊಸ್ತಿಲಲಿ

ಹಾದಿ ನೋಡುತಲಿಹೆನು ಬಾ ಬೇಗನೆ (2)

ಹೃದಯ ಶೂನ್ಯತೆಯ ಪರಿಹರಿಸಿ ಪೂರ್ಣತೆಯಿತ್ತು (2)

ಮುದಗೊಳಿಸು ಹೃದಯೇಶ ಬಾ ಬೇಗನೆ (2) || ಬೇಸರಿನ ||

ಸಾಹಿತ್ಯ – ಕುವೆಂಪು
ಸಂಗೀತ – ಬಿ ವಿ ಶ್ರೀನಿವಾಸ್
ಗಾಯನ -ಕಸ್ತೂರಿ ಶಂಕರ್
 
download besarina sanjeyidu
 

ಟ್ಯಾಗ್ ಗಳು: , , , , ,