RSS

Category Archives: ಪು.ತಿ.ನ

ಅಕೋ ಶ್ಯಾಮ ಅವಳೇ ರಾಧೆ / Ako shyaama avale raadhe

click to play

ಅಕೋ ಶ್ಯಾಮ ಅವಳೇ ರಾಧೆ
ನಲಿಯುತಿಹರು ಕಾಣಿರೇ |
ನಾವೆ ರಾಧೆ ಅವನೇ ಶ್ಶಾಮ
ಬೇರೆ ಬಗೆಯ ಮಾಣಿರೇ ||

ಕಲರವದೊಳು ಯಮುನೆ ಹರಿಯೆ
ಸೋಬಾನೆಯ ತರುಗಳುಲಿಯೆ
ತೆನೆತೆನೆಯೊಳು ಹರಸಿದಂತೆ
ಬಾನಿಂ ಜೊನ್ನ ಭೂಮಿಗಿಳಿಯೆ ||

ಕಂಪ ಬಿಡುವ ದಳಗಳಂತೆ
ಸುತ್ತಲರಳಿ ಕೊಳ್ಳಿರೇ|
ಒಲುಮೆಗಿಡುವ ಪ್ರಭಾವಳಿಯ
ತೆರದಿ ಬಳಸಿ ನಿಲ್ಲಿರೇ ||

ಕಡಗ ಕಂಕಣ ಕಿನಿಕಿನಿಯೆನೆ
ಅಡಿಗೆಯಿರುಲೆ ಝಣರೆನೆ |
ಎದೆ ನುಡಿತಕೆ ಚುಕ್ಕಿ ಮಿಡಿಯೆ
ಕೊಳಲನೂದಿ ಕುಣಿವನೆ ||

ನಮ್ಮ ಮನವ ಕೋದು
ಮಾಲೆ ಗೈದು ಮುಡಿಯುತಿಹನೆನೆ |
ಮಾಧವನೂದುವ ಮಧುರ ಗಾನ
ಎದೆಯ ಹಾಯ್ವುದಾಯೆನೆ ||

ನೋಡಿ ತಣಿಯೆ ಹಾಡಿ ತಣೆಯೆ
ಲೇಸನಾಡಿ ತಣಿಯೆನೆ |
ಕುಣಿದು ತಣಿಯೆ ದಣಿದು ತಣಿಯೆ
ದಣಿವಿಲ್ಲದೆ ನಲಿವೆನೆ ||

ಸಾಹಿತ್ಯ – ಪು.ತಿ.ನ
ಸಂಗೀತ – ಸಿ ಅಶ್ವಥ್
ಗಾಯನ – MS ಶೀಲ / KS ಸುರೇಖ

download ako shyaama avale raadhe

Advertisements
 

ಟ್ಯಾಗ್ ಗಳು: , , , , ,

ನನ್ನೊಳು ನಾ / nannolu naa

click to play

ನನ್ನೊಳು ನಾ…ನಿನ್ನೊಳು ನೀ…
ಒಲಿವ ಮುಂತಿಂತೆ ನಾ…ನೀ…
ನಿನ್ನೊಳು ನಾ…ನನ್ನೊಳು ನೀ…
ಒಲಿದ ಮೇಲಿಂತೆ ನಾ…ನೀ…
ಇದೆ ಒಲವಿನ ಸ.ರಿ.ಗ.ಮ.ಪ.ದ.ನೀ

ಛಲವು ಮುನ್ನ ಹೊಳಲಿಚ್ಚಿತು ನನ್ನ…
ಇಂದು ಛಲವು ಹೊಳಲಿಡುವುದು ನಿನ್ನ…
ಬಯಕೆ ನಾ…ಸಲಿಗೆ ನೀ…
ಒಲಿದ ಮೇಲಿಂತೆ ನಾ…ನೀ…
ಇದೆ ಒಲವಿನ ಸ.ರಿ.ಗ.ಮ.ಪ.ದ.ನೀ

ಒಲಿವ ಮುನ್ನ ಜಗಕೆಲ್ಲಕು ನಾ…
ಒಲಿದ ಮೇಲೆ ಜಗಕೆಲ್ಲಕು ನೀ…
ಹಿನ್ನೆಲೆ ನಾ…ಮುನ್ನೆಲೆ ನೀ…
ಒಲಿದ ಮೇಲಿಂತೆ ನಾ…ನೀ…
ಇದೆ ಒಲವಿನ ಸ.ರಿ.ಗ.ಮ.ಪ.ದ.ನೀ

ಸಾಹಿತ್ಯ – ಪು.ತಿ.ನ
ಸಂಗೀತ – ?
ಗಾಯನ – ಬಿ ಆರ್ ಛಾಯಾ / ?

download nannolu naa ninnolu nee

 

ಟ್ಯಾಗ್ ಗಳು: , , , , , ,

ಉರಿವ ಬಿಸಿಲಿರಲಿ / uriva bisilirali

click to play

ಉರಿವ ಬಿಸಿಲಿರಲಿ ಕೊರೆವ ಚಳಿ ಇರಲಿ
ನಮ್ಮ ಮನದೊಳಿರಲಿ ನಿನ್ನ ಧ್ಯಾನ
ಶರಣರ ನೆಲವೇ ತರುಣರ ಛಲವೇ
ನಿನ್ನ ಚರಣತಲಕೆ ನಮ್ಮ ಪ್ರಾಣ

ಊನವಾಗಿ ನಿನ್ನ ಮಾನ
ಓ ನಾವು ಜೀವಿಸಿದ್ದ ಫಲವೇನಾ ?
ದೇವರ ನೆಲವೇ ಕಾಯ್ವರ ಫಲವೇ
ನಿನ್ನ ನೇರ ಬಿರಿಸಿ ನಮ್ಮ ಪ್ರಾಣ

ಹೊಟ್ಟೆ ಹೊರೆಯಲು ರಟ್ಟೆ ಬೀಸುವ
ನಾವು ಹಿಟ್ಟಿನಾಳ್ಗಳಲ್ಲ
ಹುಟ್ಟಿನಿಂದ ನಿನ್ನ ಹೊರೆವ ಹೊಣೆ ಹೊತ್ತ
ದಿಟ್ಟರಾರು ಶಿವ ಬಲ್ಲ
ನಿನ್ನ ಮುಟ್ಟಿ ಬಹಕೆ ಬದುಕಿಲ್ಲ

ಧೀರರ ನಾಡೆ ವೀರರ ಬೀಡೆ
ನಿನ್ನ ಸೇವೆಗೈಯದವ ಹೊಲ್ಲ

ಸಾಹಿತ್ಯ – ಪು.ತಿ.ನ
ಸಂಗೀತ – ಮೈಸೂರು ಅನಂತಸ್ವಾಮಿ
ಗಾಯನ – ಎಂ ಡಿ ಪಲ್ಲವಿ

download uriva bisilirali

 

ಟ್ಯಾಗ್ ಗಳು: , , , , ,