RSS

Category Archives: ಶ್ರೀನಿವಾಸ ಉಡುಪ

ಬಾ ಮಲ್ಲಿಗೆ ಬಾ ಮೆಲ್ಲಗೆ / Baa mallige baa mellage

click to play

ಬಾ ಮಲ್ಲಿಗೆ ಬಾ ಮೆಲ್ಲಗೆ
ನನ್ನೆದೆ ಮೆಲ್ವಾಸಿಗೆ
ಇಳೆಗಿಳಿದಿದೆ ಬೆಳುದಿಂಗಳು
ನಮ್ಮೊಲುಮೆಯ ಕರೆಗೆ ।।

ಚೆಲುವಾಗಿದೆ ಬನವೆಲ್ಲವೂ
ಗೆಲುವಾಗಿದೆ ಮನವು
ಉಸಿರುಸಿರಿಗು ತಂಪೆರಚಿದೆ
ನಿನ್ನೆದೆ ಪರಿಮಳವು ।।

ತಿಂಗಳ ತನಿ ಬೆಳಕಲಿ
ಮೈದೊಳೆದಿಹ ಮನದನ್ನೆ
ಮಂಗಳವೀ ಮನೆಯಂಗಳ
ಚೆಂಗಲವೆಯ ಚೆನ್ನೆ ||ಬಾ ಮಲ್ಲಿಗೆ||

ಹಿತವಾಗಿದೆ ಮೆಲ್ಲಲರುಲಿ
ಮಿತವಾಗಿದೆ ಮೌನ
ಜತೆಗೂಡುತ ಮಾತಾಡಿವೆ
ಅರೆ ನಿದ್ರೆಯೊಳೇನ ।।

ಲೋಕದ ಮೈ ನೋವಿಗೆ
ಶ್ರೀಗಂಧದ ತನಿಲೇಪ
ಆಕಾಶದ ಗುಡಿಯಿಂದಲಿ
ಹೊರಸೂಸಿದ ಧೂಪ ||ಬಾ ಮಲ್ಲಿಗೆ||

ಒಳಿತೆಲ್ಲವೂ ಬೆಳಕಾಯಿತು
ಬಾನ್ಗರೆಯಿತು ಜೇನು
ಆನಂದದ ಕಡಲಾಳದಿ
ನಾವಾದೆವೆ ಮೀನು ।।

ಎವೆಯಿಕ್ಕದೆ ಮಿನುಗುತ್ತಿದೆ
ಚಿಕ್ಕೆಯ ಹನಿ ದೀಪ
ತಮ್ಮಷ್ಟಕ್ಕೆ **ಧ್ಯಾನಿಸುತ್ತಿವೆ
ಯಾವುದು ಸವಿನೆನಪ ||ಬಾ ಮಲ್ಲಿಗೆ||

ಸಾಹಿತ್ಯ – ಚನ್ನವೀರ ಕಣವಿ
ಸಂಗೀತ – ಸಿ ಅಶ್ವಥ್
ಗಾಯನ – ಶ್ರೀನಿವಾಸ ಉಡುಪ, ಇಂದು ವಿಶ್ವನಾಥ್

download baa mallige baa mellage

Advertisements
 

ಟ್ಯಾಗ್ ಗಳು: , , , , , , ,