Category Archives: Uncategorized
ಹೆಸರು ಕೂಡ ತಿಳಿಯಲಿಲ್ಲ/hesaru kooda tiliyalilla
click to play
[audio http://cl.ly/273R0x3Q2S3y/download/0c6OfoHL82Xg.128.mp3]
ಹೆಸರು ಕೂಡ ತಿಳಿಯಲಿಲ್ಲ
ಅವನ ಒಲಿದೆನೋ
ಯಾವ ನೆಲೆಯೋ ಯಾವ ಕುಲವೋ
ಒಂದು ತಿಳಿಯೆನು.. ಆ ಆ… || ಹೆಸರು ||
ಕಂಡೊಡನೆ ಸೋತೆ ನಾನು ಏನೂ ನೋಡದೆ
ಮಾಯದಿರುಳ ಮರುಳಿನಲ್ಲಿ ಮನವ ನೀಡಿದೆ (2)
ನಿನ್ನ ವಿನಾ ಬಾಳೆನು ನಾ ಎಂದು ನುಡಿವೆನು (2)
ಮೊರೆವ ತೊರೆವ ಸೆಳವಿನಲ್ಲಿ ಕೈಯ ಹಿಡಿದೆನು
ಕೈಯ ಹಿಡಿದೆನು || ಹೆಸರು ||
ತುಟಿಯ ಬಿಸಿ ಹಾಗೆ ಇದೆ ತುಸು ಆರದೇ
ಎದೆಯೊಳೆನೋ ಉರಿಯುತಿದೆ ಹೊರಗೆ ತೋರದೆ (2)
ಪ್ರೇಮ ಪತ್ರ ಬರೆದು ಬರೆದು ಕಳಿಸಿ ಪ್ರಿಯನಿಗೆ (2)
ಕಾಯುತಿರುವೆ ಉತ್ತರ ವಿಳಾಸ ಬರೆಯದೆ (2)
ವಿಳಾಸ ಬರೆಯದೆ ವಿಳಾಸ ಬರೆಯದೆ…
ಸಾಹಿತ್ಯ- ಹೆಚ್. ಎಸ್, ವೆಂಕಟೇಶಮೂರ್ತಿ
ಸಂಗೀತ- ಕೃಷ್ಣ ಉಡುಪ
download hesaru kooda tiliyalilla
ಬೇಸರಿನ ಸಂಜೆಯಿದು \ besarina sanjeyidu
click to play
ಬೇಸರಿನ ಸಂಜೆಯಿದು ಬೇಕೆನಗೆ ನಿನ್ನ ಜತೆ
ಎಲ್ಲಿ ಹೋದೆಯೋ ಇನಿಯ ಬಾ ಬೇಗನೇ (2) || ಬೇಸರಿನ||
ಮಬ್ಬು ಕವಿದಿದೆ ನಭಕೆ ಮಂಕು ಕವಿದಿದೆ ಮನಕೆ (2)
ವಿರಹವಿದೆ ಕರೆಯುತಿದೆ ಬಾ ಬೇಗನೇ ಬಾ ಬೇಗನೆ || ಬೇಸರಿನ ||
ಮುಳುಗಿದುದು ರವಿ ಓಕುಳಿಯ ಚೆಲ್ಲಿದುದು ಸಂಧ್ಯೆ
ಮತ್ತೆಯೊಯ್ಯನೆ ಬೂದಿಯಾಯ್ತು ಕಾಂತಿ (2)
ಕತ್ತಲೆಯ ಕರಿನೆಳಲೊಳನೆ ಮೂಡಿದುವು ತಾರೆ (2)
ಹಬ್ಬಿಹುದು ಮರುಭೂಮಿಯಂತೆ ಶಾಂತಿ (2) || ಬೇಸರಿನ ||
ಮನೆಯ ಬಾಗಿಲೊಳೊಬ್ಬಳೆಯೆ ಕುಳಿತು ಹೊಸ್ತಿಲಲಿ
ಹಾದಿ ನೋಡುತಲಿಹೆನು ಬಾ ಬೇಗನೆ (2)
ಹೃದಯ ಶೂನ್ಯತೆಯ ಪರಿಹರಿಸಿ ಪೂರ್ಣತೆಯಿತ್ತು (2)
ಮುದಗೊಳಿಸು ಹೃದಯೇಶ ಬಾ ಬೇಗನೆ (2) || ಬೇಸರಿನ ||
ಸಾಹಿತ್ಯ – ಕುವೆಂಪು ಸಂಗೀತ – ಬಿ ವಿ ಶ್ರೀನಿವಾಸ್ ಗಾಯನ -ಕಸ್ತೂರಿ ಶಂಕರ್ download besarina sanjeyidu
You must be logged in to post a comment.